భద్రతకు అవగాహనే తొలి అడుగు : సీపీ

హైద‌రాబాద్ : మ‌ల్కాజిగిరి పోలీస్ జోన్ ప‌రిధిలో భ‌ద్ర‌త‌పై అవ‌గాహ‌న క‌ల్పించే కార్య‌క్ర‌మాన్ని చేప‌ట్టారు . ఎల్.బి. నగర్ షీ టీమ్స్ ఆధ్వ‌ర్యంలో రెడ్డి బ్రదర్స్ షాపింగ్ మాల్‌లో ఒక అవగాహన కార్యక్రమాన్ని నిర్వహించారు. ఈ కార్యక్రమంలో షీ టీమ్స్, సైబర్ క్రైమ్, లోన్ యాప్ మోసాలు, మానవ అక్రమ రవాణా, లింగ సమానత్వంపై అవగాహన, బాల్య వివాహాలు, బాలలపై వేధింపులు, మంచి స్పర్శ చెడు స్పర్శ, సీసీటీవీ భద్రత, టీ-సేఫ్ యాప్ , సీడీఈడబ్ల్యూ కౌన్సెలింగ్ కేంద్రాలపై ప్రజలకు అవగాహన కల్పించారు.

ప్రజలు ప్రమాదాలను గుర్తించి, అప్రమత్తంగా ఉండాల‌ని సూచించారు. సకాలంలో సహాయం పొందేందుకు వీలుగా నిజ జీవిత కేసులను పంచుకున్నారు. వేధింపులు, దుర్వినియోగం , ఇతర భద్రతా సమస్యలపై మాట్లాడాలని కోరారు. అందుబాటులో ఉన్న సహాయ సేవలను ఉపయోగించు కోవాలని వారిని ప్రోత్సహించారు. తక్షణ పోలీసు సహాయం కోసం, 112కు డయల్ చేయాల‌ని సూచించారు. లేదా మల్కాజిగిరి కమిషనరేట్ లోని 8712662111 నంబర్‌కు వాట్సాప్ చేస్తే వెంట‌నే స్పందిస్తామ‌ని, త‌క్ష‌ణ సాయం పొందేలా చేస్తామ‌న్నారు.