VijayaBhaskar
సర్కే చునర్ తేరి సర్కే పాటలో అసభ్యత
న్యూఢిల్లీ : బాలీవుడ్ కి చెందిన నటి నోరా ఫతేహి వివాదాస్పదంగా మారారు. తను పూర్తి అసభ్యతతో కూడిన పాటలో నటించింది. దీనిపై తీవ్ర అభ్యంతరం వ్యక్తమైంది. జాతీయ మహిళా కమిషన్ ఈ అంశంపై సీరియస్ అయ్యింది. 1990 కింద తనకు సంక్రమించిన అధికారాలను వినియోగించుకుంటూ, ‘Sarke Chunar Teri Sarke’ అనే పాటలో అసభ్యత, అశ్లీలత ఉన్నాయని ఆరోపిస్తూ వచ్చిన మీడియా నివేదికలను జాతీయ మహిళా కమిషన్ (NCW) స్వచ్ఛందంగా (suo motu) పరిగణనలోకి తీసుకుంది. ‘Sarke Chunar’ పాట చుట్టూ నెలకొన్న వివాదానికి సంబంధించి జాతీయ మహిళా కమిషన్ (NCW) ఒక విచారణను షెడ్యూల్ చేసింది. ఈ విషయంలో నటి, నృత్యకారిణి అయిన నోరా ఫతేహికి సమన్లు జారీ చేసింది. ఈ మేరకు గురువారం 11.30 గంటలకు కమిషన్ ఎదుట హాజరైంది.
అంతకు ముందు మార్చి నెలలో, ‘Sarke Chunar Teri Sarke’ పాటలో “అసభ్యతష , “అశ్లీలత” ఉన్నాయని ఆరోపిస్తూ వచ్చిన నివేదికలను స్వచ్ఛందంగా పరిగణనలోకి తీసుకుంది మహిళా కమిషన్. నటీనటులు నోరా ఫతేహి, సంజయ్ దత్, రాకీబ్ ఆలం, నిర్మాత వెంకట్ కె. నారాయణ , దర్శకుడు కిరణ్ కుమార్లకు సమన్లు జారీ చేసింది. NCW ప్రకటన ప్రకారం, ఆ పాట “లైంగికంగా ప్రేరేపించేలా , అభ్యంతరకరంగా కనిపిస్తోందని కమిషన్ పేర్కొంది; ఇది భారతీయ న్యాయ సంహిత, IT చట్టం, లైంగిక నేరాల నుండి పిల్లల రక్షణ (POCSO) చట్టం కింద ఉన్న నిబంధనల ఉల్లంఘనకు దారి తీస్తుందని తెలిపింది.
