ఆగ‌స్టు 8న ‘టాక్సిక్’ ట్రైలర్ లాంచ్ ఈవెంట్

బెంగ‌ళూరు : గీతూ మోహ‌న్ దాస్ ద‌ర్శ‌క‌త్వం వ‌హించిన టాక్సిక్ ఇప్ప‌టికే అంచ‌నాలు పెంచుతోంది. క‌న్న‌డ చ‌ల‌న చిత్ర ప‌రిశ్ర‌మ‌లో టాప్ హీరో గా పేరు పొందిన యష్ , కియారా అద్వానీలపై చిత్రీకరించిన ‘తబాహి’ అనే పాట ఇటీవల విడుదలైంది. యష్ తన అత్యంత ఆసక్తిగా ఎదురు చూస్తున్న చిత్రం ‘టాక్సిక్’ విడుదల కోసం సిద్ధమవుతోంది. ఈ మూవీ 2026 ఆగస్టు 26న భారీ స్థాయిలో థియేటర్లలో విడుదల కానుంది. విశ్వ‌స‌నీయ సమాచారం ప్రకారం ‘టాక్సిక్’ ట్రైలర్ 2026 ఆగస్టు 8న విడుదలయ్యే అవకాశం ఉంది. అదే రోజున బెంగళూరులో భారీ ట్రైలర్ లాంచ్ ఈవెంట్ కూడా జరగనుంది. చిత్ర బృందం ఇప్పటికే రెండు టీజర్‌లను విడుదల చేసింది.

ఈ ట్రైలర్ సినిమా ప్రచారంలో అత్యంత కీలకమైన అంశంగా నిలవనుంది. గీతూ మోహన్‌దాస్ దర్శకత్వంలో రూపొందుతున్న ‘టాక్సిక్: ఎ ఫెయిరీటేల్ ఫర్ గ్రోన్-అప్స్’ (Toxic: A Fairytale for Grown-Ups) చిత్రంలో నయనతార, కియారా అద్వానీ, తారా సుతారియా, రుక్మిణి వసంత్ , హుమా ఖురేషి వంటి ప్రముఖ తారాగణం ఉంది. ఈ చిత్రాన్ని కన్నడ, ఆంగ్ల భాషల్లో ఏకకాలంలో చిత్రీకరించారు, అలాగే ఇది ఇతర భాషల్లో కూడా విడుదల కానుంది. KVN ప్రొడక్షన్స్ , మాన్‌స్టర్ మైండ్ క్రియేషన్స్ సంయుక్తంగా నిర్మిస్తున్న ఈ చిత్రం ఆగస్టు 26న ప్రపంచ వ్యాప్తంగా థియేటర్లలో విడుదల కానుంది. ఇటీవల, యష్ ,కియారా అద్వానీలపై చిత్రీకరించిన ‘తబాహి’ అనే పాట విడుదలైంది.