VijayaBhaskar
అమరావతి : ఏపీలోని ఇటీవలే ప్రధాని మోదీ ప్రారంభించిన భోగాపురం ఎయిర్ పోర్టులో సోమవారం నుచి వాణిజ్య విమానాల రాక పోకలు ప్రారంభం అయ్యాయి. ఈ సందర్బంగా ఆసక్తికర వ్యాఖ్యలు చేశారు సీఎం నారా చంద్రబాబు నాయుడు. అత్యంత ప్రతిష్టాత్మకంగా నిర్మించింది జీఎంఆర్ సంస్థ. అనేక సౌకర్యాలతో దీనిని ఏర్పాటు చేశారు. హైదరాబాద్ నుంచి ఇండిగో సంస్థ నడిపిన తొలి విమానం ఇక్కడికి చేరుకుంది. అనేక సౌకర్యాలతో కూడిన ఈ ఆధునిక సదుపాయాన్ని ప్రధానమంత్రి నరేంద్ర మోదీ ప్రారంభించిన పక్షం రోజుల తర్వాత కార్యకలాపాలు మొదలయ్యాయి. కేంద్ర పౌర విమానయాన శాఖ మంత్రి కింజరాపు రామ్ మోహన్ నాయుడు విమానాశ్రయంలో తొలి వాణిజ్య విమాన సర్వీసులను జెండా ఊపి ప్రారంభించి, ప్రయాణికులకు బోర్డింగ్ పాస్లను అందజేశారు. దీంతో ఈ కొత్త అంతర్జాతీయ విమానాశ్రయంలో కార్యకలాపాలు ప్రారంభమయ్యాయి.
అల్లూరి సీతారామరాజు అంతర్జాతీయ విమానాశ్రయంలో వాణిజ్య విమాన కార్యకలాపాలు ప్రారంభం కావడం ఎంతో సంతోషాన్ని, గర్వ కారణాన్ని కలిగిస్తోందని పేర్కొన్నారు. ఇది ఉత్తరాంధ్రకు ఒక కొత్త అధ్యాయానికి నాంది పలుకుతుందన్నారు. ఈ ప్రాంతానికి కొత్త అవకాశాలను తెస్తుంది అని రామ్ మోహన్ నాయుడు ఒక సందేశంలో తెలిపారు. ఈ విమానాశ్రయంలో కార్యకలాపాలు ప్రారంభం కావడాన్నిఎన్ చంద్రబాబు నాయుడు రాష్ట్రానికి ఒక చారిత్రాత్మక కొత్త అధ్యాయంగా అభివర్ణించారు. ఉత్తరాంధ్ర అభివృద్ధి అవసరాలను తీర్చేదిగా పేర్కొనబడిన ఈ విమానాశ్రయాన్ని ప్రధాని మోదీ ఆగస్టు 1న ప్రారంభించారు. హైదరాబాద్ నుండి తొలి ఇండిగో విమానం రాగా, దాని తర్వాత బెంగళూరు నుండి ఎయిర్ ఇండియా ఎక్స్ప్రెస్ విమానం వచ్చింది. హైదరాబాద్ నుండి వచ్చిన తొలి విమానం తెలంగాణ రాజధానికి తిరిగి ప్రయాణించింది. దీంతో ఇక్కడి నుండి ఇదే తొలి విమాన ప్రయాణంగా నిలిచింది.
