వైష్ణవితో షణ్ముఖ్ జస్వంత్ నిశ్చితార్థం

సినీ, బుల్లితెర‌కు చెందిన ప్ర‌ముఖులు హాజ‌రు

హైద‌రాబాద్ : బిగ్ బాస్ ఫేం ష‌ణ్ముఖ్ జ‌స్వంత్ సంచ‌ల‌నంగా మారాడు. త‌ను గ‌తంలో యూట్యూబ‌ర్ గా ప‌రిచ‌యం అయ్యాడు. ప‌లు షార్ట్ ఫిలింల‌లో న‌టించాడు. ఆ త‌ర్వాత బుల్లి తెర‌పై సెన్సేష‌న్ రియాల్టీ షో బిగ్ బాస్ లో కూడా పార్టిసిపేట్ చేశాడు. ఆ త‌ర్వాత త‌ను ఫేమ‌స్ అయ్యాడు. త‌ను ల‌వ్ లో ప‌డ్డాడ‌ని, డేటింగ్ చేస్తున్నాడ‌ని పెద్ద ఎత్తున ప్ర‌చారం జ‌రిగింది. వాటన్నింటికి చెక్ పెడుతూ మ‌రింత క్యూరియాసిటీ పెంచేలా ప్ర‌య‌త్నం చేశాడు ష‌న్ముఖ్ జ‌స్వంత్.

ఇదిలా ఉండ‌గా కొన్ని రోజుల క్రితం ఫేస్ చూపించకుండా ఒక అమ్మాయిని పరిచయం చేసాడు షణ్ణూ. ఇప్పుడు ఏకంగా ఎంగేజ్మెంట్ చేసుకుని ఫ్యాన్స్ కు మ‌రోసారి సూపర్ సర్ ప్రైజ్ ఇచ్చాడు. త‌ను ప్రాణ ప్ర‌దంగా ప్రేమించిన వైష్ణ‌వి చోడిశెట్టి అనే అమ్మాయితో నిశ్చితార్థం కూడా చేసుకున్న‌ట్లు ప్ర‌క‌టించాడు ష‌న్ముఖ్ జ‌శ్వంత్. ఇందుకు సంబంధించిన ఫోటోలు, వీడియోల‌ను తానే స్వ‌యంగా సామాజిక మాధ్య‌మాల‌లో షేర్ చేశాడు. షేర్ చేసిన కొన్ని క్ష‌ణాల‌కే పెద్ద ఎత్తున వైర‌ల్ అయ్యాయి. ఈ నిశ్చితార్థం కార్య‌క్ర‌మానికి సినీ, బుల్లితెర ప‌రిశ్ర‌మ‌ల‌కు చెందిన ప్ర‌ముఖులు , స్నేహితులు, కుటుంబీకులు హాజ‌ర‌య్యారు.