ప్రకటించిన మంత్రి నారా లోకేష్
అమరావతి : ఏపీలో ఇటీవల నిర్వహించిన మెగా డీఎస్సీ 2025 కి సంబంధించి 15 వేల 941 టీచర్ పోస్టుల ఫైనల్ లిస్టును విడుదల చేశారు మంత్రి నారా లోకేష్. రాష్ట్ర చరిత్రలోనే ఇతి అతిపెద్ద నియామక ప్రక్రియను సక్సెస్ ఫుల్ గా నిర్వహించామన్నారు. ఇందులో 49.9 శాతం మహిళలు, 50.1 శాతం పురుష అభ్యర్థులు ఎంపికైనట్లు తెలిపారు. SC సబ్ క్లాసిఫికేషన్, స్పోర్ట్స్ పర్సన్స్కు 3 శాతం, వర్టికల్ మొట్ట మొదటి సారిగా హారిజాంటల్ రిజర్వేషన్ విధానం అమలు చేశామన్నారు మంత్రి. 150 రోజుల్లో భర్తీ ప్రక్రియ పూర్తి చేశామన్నారు. 100కు పైగా కేసులు ఉన్నా ఆటంకం లేకుండా పరీక్షలు నిర్వహించడం జరిగిందని చెప్పారు నారా లోకేష్. ఈ సందర్బంగా సంచలన కామెంట్స్ చేశారు . ఇదే ఫైనల్ లిస్టు అని ఇక సెకండ్ లిస్ట్ లేదా వెయిటింగ్ లిస్ట్ అంటూ ఉండదని నొక్కి చెప్పారు.
పెద్ద సంఖ్యలో అభ్యర్థులు, కొన్ని కేటగిరీలకు షిఫ్టుల కారణంగా (69 కేటగిరీలలో 9 కేటగిరీలకు), జాతీయంగా గుర్తించబడిన నార్మలైజేషన్ పద్ధతిన ఈ 9 కేటగిరీ పోస్టులకు అవలంబించామని చెప్పారు. అన్ని సెషన్లలో న్యాయబద్ధతను నిర్ధారించడానికి మెరిట్ జాబితాలను TET స్కోర్ల నుండి 20 శాతం వెయిటేజ్, DSC స్కోర్ల నుండి 80 శాతం వెయిటేజ్తో తయారు చేశామని తెలిపారు. సర్టిఫికేట్ వెరిఫికేషన్ ఆగస్టు 28,సెప్టెంబర్ 13 మధ్య ఏడు రౌండ్లలో ప్రత్యేక జిల్లా స్థాయి టీమ్లతో నిర్వహించామని చెప్పారు నారా లోకేష్. వైకల్యాలతో ఉన్న అభ్యర్థుల వైద్య వెరిఫికేషన్ను జిల్లా వైద్య అధికారుల పర్యవేక్షణలో, బ్లైండ్, హియరింగ్ ఇంపెయిర్డ్, ఆర్థోపెడిక్, MR కేటగిరీలలో వైద్య నిపుణుల సహకారంతో నిర్వహించామని వివరించారు.
అభ్యర్థులకు సహాయం చేయడానికి రాష్ట్ర స్థాయి ఇన్ఫర్మేషన్ అసిస్టెన్స్ సెంటర్ను స్థాపించి IT సిస్టమ్లతో సమన్వయం చేశామని చెప్పారు. రియల్ టైమ్ గ్రీవెన్స్ రీడ్రెసల్కు అదనంగా, కమాండ్ అండ్ కంట్రోల్ రూమ్లను రాష్ట్ర, జిల్లా స్థాయిలలో ఏర్పాటు చేసి పరీక్షల సమయంలో నిరంతర పర్యవేక్షణ నిర్వహించామని తెలిపారు. సూక్ష్మ వెరిఫికేషన్ ప్రక్రియ తర్వాత 15,941 అభ్యర్థులతో ఫైనల్ సెలెక్షన్ లిస్టులను తయారు చేశామని చెప్పారు. మిగిలిన 406 ఖాళీలు సంబంధిత కమ్యూనిటీలో అర్హత పొందిన అభ్యర్థుల అందుబాటు లేక పోవడంతో భర్తీ కాలేదని, ఈ ఖాళీలను తదుపరి DSC నోటిఫికేషన్లో భర్తీ చేస్తామని వివరించారు. ఈ సెలెక్షన్ లిస్టులు జిల్లా విద్యా కార్యాలయాలు, జిల్లా కలెక్టరేట్లు, అధికారిక మెగా DSC వెబ్సైట్ (www.apdsc.apcfss.in)లో అందుబాటులో ఉన్నాయని తెలిపారు.
