ఇది పూర్తిగా చ‌ట్ట విరుద్ద‌మ‌ని ఆగ్ర‌హం
చెన్నై : తమిళనాడు ప్రభుత్వ ప్రత్యేక ప్రతినిధిగా (న్యూఢిల్లీలో) వెంకట నారాయణ కె. నియామకాన్ని తమిళనాడు బీజేపీ అధ్యక్షుడు నైనార్ నాగేంద్రన్ ఖండించారు. ఇది తమిళులకు అన్యాయం చేసే చర్య అని ఆయన పేర్కొన్నారు. శ‌నివారం త‌ను మీడియాతో మాట్లాడారు. బెంగళూరుకు చెందిన చార్టర్డ్ అకౌంటెంట్, ‘కెవిఎన్ ప్రొడక్షన్స్’ (KVN Productions) వ్యవస్థాపకుడైన వెంకట నారాయణ, రాజకీయాల్లోకి రాకముందు సి. జోసెఫ్ విజయ్ నటించిన చివరి చిత్రం ‘జన నాయగన్’ను నిర్మించారని ఆరోపించారు.
రాష్ట్ర ప్రభుత్వ ప్రధాన కార్యదర్శి ఎం. సాయి కుమార్ ఈ నియామక ఉత్తర్వులను జారీ చేయ‌డం ప‌ట్ల తీవ్ర ఆగ్ర‌హం వ్య‌క్తం చేశారు. ఇది పూర్తిగా చ‌ట్టానికి విరుద్దంగా జ‌రిగింద‌ని పేర్కొన్నారు. తక్ష‌ణ‌మే వెంకట నారాయణ నియామకాన్ని ర‌ద్దు చేయాల‌ని వైనార్ నాగేంద్రన్ డిమాండ్ చేశారు. త‌మిళనాడుకు చెందిన వారు అనుభ‌వం క‌లిగిన ఆఫీస‌ర్లు లేరా అని ప్ర‌శ్నించారు బీజేపీ అధ్యక్షుడు . ఇది మంచి ప‌ద్ద‌తి కాద‌ని పేర్కొన్నారు. తమిళనాడు ప్ర‌జ‌ల అస్తిత్వానికి భంగం క‌లిగించేలా సీఎం జోసెఫ్ విజయ్ నిర్ణ‌యాలు తీసుకుంటున్నార‌ని ఆవేద‌న చెందారు.
