జి.వి. ప్రకాష్ కుమార్‌కు ఎ.ఆర్. రెహమాన్ అభినందన

చెన్నై : జాతీయ అవార్డు గెలుచుకున్న జి.వి. ప్రకాష్ కుమార్‌కు ఎ.ఆర్. రెహమాన్ అభినందనలు తెలిపారు. జాతీయ చలనచిత్ర అవార్డుల కార్యక్రమంలో జి.వి. ప్రకాష్ కుమార్ ‘ఉత్తమ సంగీత దర్శకత్వం (నేపథ్య సంగీతం)’ విభాగంలో అవార్డును గెలుచుకున్నారు. “అమరన్” చిత్రానికి గాను జాతీయ అవార్డు అందుకున్న తన మేనల్లుడు జి.వి. ప్రకాష్ కుమార్‌ను సంగీత దర్శకుడు ఎ.ఆర్. రెహమాన్ అభినందించారు . దీనిని “గర్వించదగ్గ క్షణం”గా అభివర్ణించారు. సమాచార , ప్రసార మంత్రిత్వ శాఖ ప్రకటించిన ఈ అవార్డులు 2024లో భారతీయ చలనచిత్ర రంగంలో సాధించిన విజయాలను గుర్తించి, గౌరవించాయి. తన ‘X’ (ట్విట్టర్) ఖాతాలో రెహమాన్ ఈ విషయాన్ని పంచుకుంటూ కుమార్‌కు అభినందనలు తెలిపారు.

నీ మూడవ జాతీయ అవార్డుకు శుభాకాంక్షలు అని ఆయన ఆ పోస్ట్‌లో రాశారు. మన కుటుంబం కలిసి 10వ జాతీయ అవార్డును జరుపుకుంటున్న ఈ సందర్భం ఎంతో గర్వకారణం. సంగీతం పట్ల నీకున్న అభిరుచి, చిత్తశుద్ధి , అంకితభావం ఎల్లప్పుడూ స్ఫూర్తినిస్తాయి. భవిష్యత్తులో మరిన్ని మైలురాళ్లను అధిగమించాలని కోరుకుంటున్నాను అని ఆయన పేర్కొన్నారు. కుమార్ గతంలో 2022లో “సూరరై పోట్రు” చిత్రానికి గాను ‘ఉత్తమ సంగీత దర్శకత్వం (నేపథ్య సంగీతం)’ విభాగంలో అవార్డును అందుకున్నారు. అలాగే 2025లో “వాతి” చిత్రానికి గాను ‘ఉత్తమ సంగీత దర్శకత్వం (పాటలు)’ విభాగంలో మరో అవార్డును పొందారు.