హైద‌రాబాద్ : వాతావరణ శాఖ కీల‌క సూచ‌న‌లు చేసింది. హైదరాబాద్‌లో మోస్తరు నుండి భారీ వర్షాలు కురిసే అవకాశం ఉందని పేర్కొంది. నైరుతి రుతుపవనాలు చురుకుగా కదులు తుండటంతో, వాటి ప్రభావం వల్ల నగరంలో భారీ వర్షాలు కురిసే అవకాశం ఉందని భారత వాతావరణ శాఖ (IMD) తెలిపింది. మంగళవారం నాడు హైదరాబాద్‌లో మోస్తరు నుండి భారీ వర్షాలు కురిసే అవకాశం ఉన్నందున IMD ‘ఎల్లో అలర్ట్’ జారీ చేసింది. తెలంగాణ అంతటా ఆకాశం మేఘావృతమై ఉండి, అక్కడక్కడా తేలికపాటి వర్షాలు కురిసే అవకాశం ఉందని IMD పేర్కొంది.
క్యుములోనింబస్ (cumulonimbus) మేఘాల ప్రభావంతో నిన్న హైదరాబాద్‌తో పాటు ఉత్తర తెలంగాణలో భారీ వర్షాలు కురిశాయి. కామారెడ్డిలో అత్యధికంగా 18.2 సెం.మీ వర్షపాతం నమోదైందని, వికారాబాద్ , సంగారెడ్డి జిల్లాల్లోనూ భారీ వర్షాలు కురిశాయని అధికారులు తెలిపారు. ఇదిలా ఉండ‌గా న‌గ‌ర వాసులు జాగ్ర‌త్త‌గా ఉండాల‌ని సూచించారు హైద‌రాబాద్ న‌గ‌ర పోలీస్ క‌మిష‌న‌ర్ వీసీ స‌జ్జ‌నార్. అవ‌స‌ర‌మైతే త‌ప్పా బ‌య‌ట‌కు రావ‌ద్దంటూ పేర్కొన్నారు. జాబ్స్ ప‌ని చేసే చోట పూర్త‌యిన వెంట‌నే నగరంలో త‌మ త‌మ ఇళ్ల‌ల్లోకి త్వ‌ర‌గా వెళ్లేందుకు ప్ర‌య‌త్నం చేయాల‌ని సూచించారు వీసీ.
