తిరుప‌తి : తిరుమ‌ల తిరుప‌తి దేవ‌స్థానం పాల‌క మండ‌లి (టీటీడీ) ఆధ్వ‌ర్యంలో ప్ర‌తి నెలా జారీ చేసే టికెట్ల ద‌ర్శ‌నం బుకింగ్ కు సంబంధించి తీవ్ర ఆరోప‌ణ‌లు వ‌స్తున్నాయి. సోష‌ల్ మీడియా వేదిక‌గా టీటీడీ నిర్వాకంపై ఆగ్ర‌హం వ్య‌క్తం అవుతోంది. ఇందుకు సంబంధించి హిందూ సంస్థ‌ల ప్ర‌తినిధులు సంచ‌ల‌న ఆరోప‌ణ‌లు చేశారు. తాజాగా టీటీడీ రూల్స్ కు విరుద్దంగా కూట‌మి ప్ర‌భుత్వం అవినీతి, అక్రమాలకు పాల్ప‌డిన బి. వెంక‌టేశ్వ‌ర్లు నాయుడుకు టీటీడీ ఐటీ విభాగంలో జనరల్ మేనేజ‌ర్ గా నియ‌మించ‌డంపై మండిప‌డ్డారు. తక్షణమే కేంద్ర ద‌ర్యాప్తున‌కు ఆదేశించాల‌ని డిమాండ్ చేశారు.
సంస్థలోని ఉన్నత స్థాయి నాయకత్వంలో జరిగిన మార్పుల నేపథ్యంలో ఆయన ఇటీవల మరింత విస్తృతమైన బాధ్యతలను చేపట్టడం ప‌లు అనుమానాల‌కు తావిస్తోంద‌ని పేర్కొన్నారు. మీడియా సాక్షిగా సంచ‌ల‌న ఆరోప‌ణ‌లు చేయ‌డం క‌ల‌క‌లం రేపింది. గతంలో పూర్తి స్థాయి జనరల్ మేనేజర్‌గా (GM) ఉన్న ఎల్.ఎం. సందీప్ రెడ్డికి వేరే బాధ్యతలు అప్పగించిన తర్వాత, TTD IT విభాగానికి తాత్కాలిక అధిపతిగా వ్యవహరించే బాధ్యతను ఆయన స్వీకరించారు.
అక్టోబర్ 2026లో ఆయన ఒక బహిరంగ వివాదానికి కేంద్ర బిందువుగా మారారు. స్థానిక హిందూ సంఘాలు , కార్యకర్తల బృందాలతో పాటు ‘తిరుమ‌ల, తిరుప‌తి క్షేత్రాల రక్షణ సమితి’కి చెందిన తుమ్మ ఓంకార్ వంటి వారి నాయకత్వంలో ఆయనను తక్షణమే తొలగించాలని డిమాండ్ చేస్తూ నిరసనలు చేపట్టాయి. సాంకేతిక లోపాలు, ₹300 ప్రత్యేక ప్రవేశ దర్శన టిక్కెట్ల నిర్వహణలో వైఫల్యం , వ్యక్తిగతపరమైన అక్రమాలకు సంబంధించిన ఆరోపణలను ఈ బృందాలు ఆయనపై మోపాయి.
